مضروبة جريش ممكن نسويها بطريقتين

1️ سلق كل شي و هي الأسهل و الأسرع

في قدر تحطين دجاج أو صدور دجاج و فوقها ماي يغطيها و البصل و الطماط المطحون و الصلصة و الثوم و البهارات و ليمون اسود كامل و قرفة على النار أول ما يغلي ضيفي عليه الجريش المنقوع ساعتين قلبيه و اقصري النار و ضعي حديدة توزيع الحرارة تحت القدر و ضبطي الملح و غلفي القدر بالقصدير عشان ينكتم البخار و خليه يطبخ على نار هادية (تقريبا ساعة ونص الى ساعتين ) بتشوفين الدجاج ذاب و حبة الجريش انهرست تضيفي الكزبرة الخضرا و تقلبي و إذا بغيتي تضربين الجريش اضربيه يعني اهرسيه و حطيه في صحن التقديم و حطي على الوجه سمن

 

2️ تحمسين كل شي البصل والثوم بعدين الدجاج او اللحم والطماط والمعجون وبعدين تكملين عادي

 

لكل دجاجة كوبين و نص جريش