لما أدخلت الطعام الصلب لإبني استبدلت كل وجبة محل قنينة حليب.. يعني مثلا كنت أعطيه 6 قناني حليب من قبل، وبعدها لما دخلت وجبة لغيت قنينة، فصارو 5 قناني حليب ووجبة، وبعدها 4 قناني حليب ووجبتين. وهكذا.. لحد ما صار هلا بعمر السنتين بياكل 3 وجبات رئيسية وقنينتين حليب، غير عن سناكتين إلى 3 من الخضار والفواكه والعصائر. بدك تراعي في البداية حجم الوجبة لأنها بتكون صغيرة شوي نظراً لأنها بطبيعتها غريبة ع جسم الطفل فشوي شوي ليتعود عليها بتكبر كميتها. أنا كنت أحرص تكون هالكمية شو ما كان حجمها بتحتوي على البروتين والنشويات والخضار الطازجة أو المطبوخة. وصحة وهنا لبنتك :)