كلمات اغنية شبه المها منصور الوايلي.
في سجّتي روحي اسير ابهواها
واخبار تحدث ما تشدّ انتباهي
لبّيت يوم اوحيت همسة حكاها
لحظة سعاده خصّ لا كنت لاهي
شبه المها فالزين جتني تباها
واسفل نحرها الماس فيها يباهي
انا لها كلّي و كلّي فداها
وانا فدى خطواتها باتّجاهي
كل التّرف فيها و عذبٍ وفاها
سلطانها بالقلب آمر و ناهي
مغترّةٍ في حسن كامل و راهي
اوصاف ماتدرك جزاله مداها
ويش الدهاة بجنب شيخة دواهي
لامن مشت كل العذارى وراها
وازينهن اللي ما تجرّا تضاهي
سمٍّ على اقلوب الغيارى عداها
اللي تكنّ الحقد من شيّ واهي
من طيب خافقها و فاتن حلاها
من دونها واقف بصيتي و جاهي
اسم الاغنية : شبه المها
كاتب الاغنية : ثنيان الثنيان
ملحن الاغنية : منصور الوايلي
غناء : منصور الوايلي
العربية
