كلمات اغنية زفرة الشوق ماجد العازمي

الكاتب: ولاء الحمود -
كلمات اغنية زفرة الشوق ماجد العازمي

كلمات اغنية زفرة الشوق ماجد العازمي.

 
 
يا زفرة الشوق صدري دوب يلقى زفير
 
ما عاد لك فيه من ما فيه ماطى قدم
،،
حلي عنه وانتحي عني كذا من الأخير
 
تعبت من شوقي اللي كل شوقه ندم
،،
أنا السعيد الشقي وأنا الغني الفقير
 
وأنا اللي يبني طموحه والظروف تهدم
،،
منول يقودني للحلم سلك الحرير
 
متمسكً بالأمل قبل الأمل ينعدم
 
واليوم مدري وش اللي قاعد أصلاً يصير
 
خلاني الواقع القاسي كذا منصدم
،،
تاهت خطاويه الغرا بليا مصير
 
مدري بترجع ورى ولا بتقدم قدم
،،
سايرت الأيام لكن معي عيت تسير
 
ياليت حظي مثل بعض الحظوظ يخدم
،،
واشيب عيني لو يطول العنا والمسير
عاد العنا وقفته وياي منذو القدم
،،
جفني من مطاول الحرمان كم له سهير
 
ضيوفه أشباح وأطياف الغوالي خدم
،،
تقهو وأقدع من جروحي ياذاك العشير
 
فداك أنا ياعساني لا خلا ولا اعدم
،،
على الرحب والسعه مالك بقلبي خشير
 
أكرم وأدم بالجروح النيه أكرم وأدم
،،
سجيت لك فكري الشارد فبرد وهجير
 
قدام للحزن والفرقى أسج القدم
،،
حبل الوصل بيني وبينك طويل وقصير
 
الله من عبرةً من قسوتك تحتدم
 
ما يستفز الشعور ولا يحس الضمير
 
إلا غلا اللي وجوده حاضر ومنعدم
،،
خلاص هانت ياحظي ما بقى إلا الكثير
 
دام البدايه ندم مثل النهايه ندم
 
 
 
 
 
 
 
اسم الاغنية : زفرة الشوق
 
كاتب الاغنية : طلال سعود العيبي
 
ملحن الاغنية : منير البقمي
 
غناء : ماجد العازمي
 
 
شارك المقالة:
114 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم
youtubbe twitter linkden facebook